Fiðrildategund nefnd eftir Björk

Bandarískur skordýrafræðingur hefur í vísindagrein lýst tegund af algengu amerísku fiðrildi sem ekki hafi verið greind sérstaklega áður. Hefur hann gefið fiðrildinu nafnið Pterourus bjorkae til heiðurs Björk Guðmundsdóttur.

Um er að ræða svölufiðrildi, ­Tiger Swallowtail á ensku, sem er algengt í Norður-Ameríku. Í grein í The Taxonomic Report sem birt er á vef Nebraska-háskóla segir skordýrafræðingurinn Harry Pavulaan að margir sérfræðingar hafi rannsakað þessi fiðrildi en hópar þeirra í norðausturhluta Bandaríkjanna hafi lítið verið skoðaðir.

Lesa má meira um málið í Morgunblaðinu í dag.