Átján ára gamall maður liggur milli heims og helju á sjúkrahúsi í Norrköping í Svíþjóð eftir skotárás þar í bænum um kvöldmatarleytið í gær. Lögregla handtók barn undir sakhæfisaldri í kjölfar atburðarins og var það falið viðeigandi yfirvöldum til varðveislu vegna ungs aldurs síns, eftir því sem TT-fréttastofan greinir frá.

Er lögregla kom á vettvang í kjölfar tilkynningar um skothvelli í bæjarhlutanum Berget hittist fórnarlambið þar fyrir og var þungt haldið.

Götum lokað vegna tæknirannsóknar

„Við vitum ekki enn sem komið er hvað gerðist nákvæmlega,“ hefur sænska ríkisútvarpið SVT eftir Olle Älveroth upplýsingafulltrúa lögreglunnar sem enn fremur upplýsir að barnið hafi ekki verið handtekið á vettvangi heldur í miðbæ Norrköping um tveimur klukkustundum eftir atburðinn.

Lokaði lögregla nokkrum götum í Berget á meðan tæknideildarfólk rannsakaði vettvang og varði lokunin langt fram á nótt.

Að sögn Erik Creutz, vakthafandi varðstjóra lögreglu í gærkvöldi, ræddu lögreglumenn við íbúa í nágrenninu og fóru yfir upptökur öryggismyndavéla til að gera sér mynd af rás atburða.

SVT

SVT-II (handtekinn en sleppt á ný)

SVT-III (tveir myrtir í Norrköping í sumar)

Tengdar fréttir

Óöld í Svíþjóð

Ákærðir fyrir háskalegar árásir

• Morðrannsókn hafin eftir að kona fannst látin í Lundi
• Skotárás á sænska rakarastofu
• Sameinast gegn glæpagengjum
• Ákærðir fyrir skotárás í afmæli

» Fleiri tengdar fréttir

• Blogga um frétt