„Mikilvægast að bjarga sem flestum mannslífum“
Setja bókamerki
Pedro Sánchez, forsætisráðherra Spánar, heimsótti neyðarsamhæfingarstöð í Valencia-héraði í dag en hamfaraflóð riðu yfir svæðið í gær með þeim afleiðingum að nálægt 100 manns létust og fjölmargra er enn saknað.
Sánchez boðaði í gær þriggja daga þjóðarsorg vegna náttúruhamfaranna en hann hvetur fólk á flóðasvæðum til að halda sig heima og minnir fólk á að neyðarástandinu sé ekki lokið. Enn er varað við mikilli rigningu á sumum flóðasvæðum og eru veðurviðvaranir enn í gildi.
„Núna er mikilvægast að bjarga sem flestum mannslífum,“ segir forsætisráðherrann sem þakkaði starfsmönnum neyðarþjónustunnar og áréttaði að stjórnvöld muni aðstoða fólk á Valencia-svæðinu eins lengi og nauðsyn er á með öllum mögulegum úrræðum.
Maria Jose Catala, borgarstjóri í Valencia, greindi frá því í dag að níu lík hafi fundist í bílskúr í La Torre-hverfinu og að eitt fórnarlambanna væri lögreglumaður frá staðnum.
Strandveiðar „efnahagsleg sóun“
Ríkisstjórnin ekki beint á leiðinni í jólafrí
Í vinnunni á aðfangadagskvöldi í 25 ár
Leiðindaveður yfir jólahátíðina
Tilfellum RS-veiru fjölgar verulega
Máttu ekki auglýsa „mesta úrvalið“ og „besta verðið“