Forsætisráðherra Spánar hefur fyrirskipað 5.000 hermönnum og 5.000 manna liðsstyrk lögreglu og borgaralegrar gæslu til aðstoðar í Valencia-héraði, til viðbótar við þá sem þegar aðstoða á svæðinu. BBC greinir frá.

Pedro Sánchez segir að staðfest sé að 211 hafi látið lífið í flóðunum, en búist sé við því að talan myndi hækka enn frekar.

Um 1.700 hermenn eru nú þegar við leit og björgun í Valencia-héraði, en vonir um að finna fleiri eftirlifandi fara dvínandi.

Sánchez seg­ir flutn­ing­inn á spænsku herliði vera þann mesta á friðar­tím­um fyrr og síðar.

Frétt af mbl.is

„Örvæntingarfullt fólk leitar að ættingjum sínum“

Vankantar í viðbrögðum stjórnvalda

Úrhellisrigningin hófst á mánudag og olli flóðum sem eyðilögðu brýr og þöktu bæi með aur. Heilu bæirnir urðu án vatns, matar eða rafmagns.

Sánchez sagðist vera meðvitaður um að viðbrögð yfirvalda við hamförunum hefðu ekki verið fullnægjandi og viðurkenndi „alvarleg vandamál og vankanta“.

Veðurviðvaranir eru í gildi á norðaustur- og suðurhluta Spánar fram á sunnudagskvöld, en viðvaranir voru gefnar út fyrir Baleareyjar í dag.

Frétt af mbl.is

„Mikil neyð hjá mörgu fólki“

Tengdar fréttir

Flóð á Spáni

Seinkun á jólamandarínum í ár

• Standa frammi fyrir gríðarlegum kostnaði
• Gífurleg reiði fylgir alltaf svona sorg
• Leita manna í bílastæðahúsum
• Nágranninn fannst látinn við nærliggjandi skóla

» Fleiri tengdar fréttir

• Blogga um frétt