Köstuðu leðju í Spánarkonung
Setja bókamerki
Filippus Spánarkonungur, Letizia drottning og Pedro Sánchez forsætisráðherra fengu óblíðar móttökur hjá fólki þegar þau sóttu bæinn Paiporta í Valencia–héraði á Spáni heim i dag.
Bærinn varð illilega fyrir barðinu á hamfaraflóðunum sem riðu yfir fyrir fimm dögum en 213 hafa fundist látnir og þar af 210 í héraðinu.
Fólkið var reitt og lét gremju sína í ljós með því að kasta leðju í fyrirmennin og kölluðu þau morðingja. Reiði fólks virtist aðallega beinast að Sánchez og hæstráðanda í Valencia–héraði, Carlos Mazon.
„Mazon segðu af þér. Hversu mörg dauðsföll. Út,“ hrópuðu sumir. Lögreglan þurfti að umkringja kónginn til að halda aftur af reiðum mótmælendum.
Reiði hefur ríkt vegna skorts á viðvörunum og ófullnægjandi stuðnings frá yfirvöldum eftir hamfaraflóðin og í gær viðurkenndi forsætisráðherrann að viðbrögðin hefðu ekki verið góð.
„Mér er ljóst að viðbrögðin eru ekki næg, það eru vandamál og mikill skortur á mat og nauðsynjavörum. Bæir eru grafnir í leðju og örvæntingarfullt fólk leitar að ættingjum sínum,“ sagði Sánchez.“
Börnum mismunað: Kjaradeilan verði leyst án tafar
/frimg/1/42/49/1424939.jpg)
Jarðskjálftahrina við Vífilsfell
/frimg/1/52/68/1526898.jpg)
„Fólk elskar þennan mann“
Beint: Talið upp úr kjörkössunum
Trump búinn að greiða atkvæði
Útlit fyrir að hallinn verði 17 milljörðum meiri
Tíu börn á spítala, þar af tvö á gjörgæslu