„Ég held að okkur takist þetta“
Hermann Nökkvi Gunnarsson skrifar frá Pennsylvaníu
Setja bókamerki
Pat Poprick, einn kjörmanna Pennsylvaníuríkis og formaður í framkvæmdastjórn repúblikana í Bucks-sýslu í Pennsylvaníuríki, kveðst styðja Donald Trump frambjóðanda repúblikana heilshugar í forsetakosningunum.
„Ég tel hann vera besta möguleikann á því að koma okkur út úr þeirri klemmu sem við höfum komið okkur í,“ segir hún.
Blaðamaður náði tali af Pat í höfuðstöðvum repúblikana í Bucks-sýslu í Pennsylvaníuríki.
Harris boði breytingar til hins verra
Hún segir verðbólgu og innflytjendamál vera í brennidepli kosninganna. Þá telur hún straum ólöglegra innflytjenda til Bandaríkjanna eiga sinn þátt í hækkandi verðbólgu.
„Þessi mikli straumur flóttamanna sem við erum að borga fyrir, allt frá hótelherbergjum, mat og síma, stuðlar að hækkandi verðbólgu,“ segir hún.
Pat kveðst hafa góða tilfinningu fyrir kosningunum.
„Ég held að okkur takist þetta. Það eru svo margir ósáttir við ástandið og hún (Kamala Harris) býður ekki upp á breytingar eða öllu heldur breytingar til hins verra, enda er hún frjálslyndari en Biden.“
Trump búinn að greiða atkvæði
Hvenær vitum við úrslitin?
Beint: Bandaríkjamenn ganga að kjörborðinu
„Allir tilbúnir að hjálpa“
Altjón eftir að kviknaði í út frá rafmagni
Sjá mikinn viðsnúning og ætla ekki að skerða þjónustu
Útlit fyrir að hallinn verði 17 milljörðum meiri