Úkraínuher beitir langdrægum eldflaugum
Setja bókamerki
Varnarmálaráðuneyti Rússlands segir Úkraínuher hafa beitt langdrægum eldflaugum fyrr í dag.
Í tilkynningu frá varnarmálaráðuneytinu segir að loftvarnir Rússa hafi hindrað veg fimm eldflauga. Loftvarnirnar splundruðu einni eldflaug en leifar hennar urðu kveikja að eldi í rússneskri hernaðaraðstöðu.
Segja engan hafa hlotið skaða af
Varnarmálaráðuneytið segir Úkraínuher hafa skotið eldflaugunum að Bryansk-héraði í nótt.
Að sögn varnarmálaráðuneytisins hlaut enginn skaða af eldinum og búið er að kæfa hann.
Þetta er í fyrsta sinn sem Úkraínuher notast við langdrægar eldflaugar en Joe Biden Bandaríkjaforseti gaf Úkraínumönnum leyfi fyrir notkun þeirra á rússneskri grundu í fyrradag.
Úkraínuher hefur áður notast við eldflaugarnar á hernumdum svæðum innan Úkraínu.
Liðkaði fyrir notkun kjarnorkuvopna
Úkraínuher sagði fyrr í dag að eldflaugar hersins hefðu hæft skotfærageymslu í Bryansk-héraði en tilgreindi ekki gerð eldflaugarinnar.
Eftir að Biden gaf grænt ljós á notkun Úkraínumanna á langdrægum eldflaugum liðkaði Vladímir Pútín Rússlandsforseti fyrir þeim skilyrðum sem kveða á um notkun kjarnorkuvopna.
Með nýrri skilgreiningu má taka til skoðunar notkun kjarnorkuvopna gegn ríki sem býr ekki yfir kjarnorkuvopnaforða búi það ríki að stuðningi kjarnorkuríkis.
„Líf mitt er búið”
Æfing í janúar sem líkir eftir rofnum sæstrengjum
Kosningaspá: Þrír flokkar skilja sig frá
Samningafundur eftir 17 daga hlé
Skortur á bílastæðum fælir frá
65 fyrirtæki með 11,1 milljarð í skattafrádrátt
/frimg/1/36/11/1361142.jpg)
Margir nemendur upplifa óöryggi og kvíða
Elta kínverskt skip vegna rofs á sæstrengjum