Hinn grunaði handtekinn og nafngreindur
Setja bókamerki
Luigi Mangione, 26 ára gamall karlmaður, hefur verið handtekinn og er grunaður um að hafa ráðið af dögum Brian Thompson, forstjóra stærsta sjúkratryggingafyrirtækis Bandaríkjanna, á götum New York í síðustu viku.
Frá þessu greinir Jessica Tisch, lögreglustjóri í New York.
Mangione var handtekinn í Pennsylvaníu, um 500 kílómetrum frá New York, eftir að starfsmaður McDonald's í bænum Altoona kom auga á hann og taldi hann vera grunsamlegan. Á föstudaginn í síðustu viku birti lögreglan einmitt myndir af Mangione.
Fannst með skammbyssu með hljóðdeyfi
Lögreglan er með hann í varðhaldi í Altoona og yfirheyrir hann þar.
Mangione fannst með skammbyssu með hljóðdeyfi, en Thompson, forstjóri UnitedHealthCare, var einmitt skotinn til bana á miðvikudaginn með skammbyssu sem var með hljóðdeyfi.
Dagblaðið New York Times hefur heimildir fyrir því að í fórum hans hafi verið fölsuð skilríki í líkingu við þau sem byssumaðurinn notaði í aðdraganda morðsins ásamt einskonar stefnuyfirlýsingu þar sem hann gagnrýndi sjúkratryggingaiðnaðinn í Bandaríkjunum.
Óbeit á stórfyrirtækjum
Rannsóknarlögreglumenn frá New York eru á leiðinni til Altoona til þess að ræða við hinn grunaða.
Joseph Kenny, yfirlögregluþjónn á rannsóknarsviði lögreglunnar í New York, segir að hann hafi fundist með hluti á sér þar sem lýst er óbeit á stórfyrirtækjum í Bandaríkjunum.
SFS gagnrýna Hönnu Katrínu fyrir pukur
Varpi ljósi á öryggisbresti ráðuneytisins
Stjórnvöld geta ekki spilað einleik
Villt um fyrir Alþingi
Fá 725 milljóna króna stuðning
„Þetta flæðir inn í landið“
„Engar lokanir og lífið gengur sinn vanagang“