Gröf fyrrverandi Sýrlandsforseta brennd á björtu báli
Setja bókamerki
Sýrlenskir uppreisnarmenn hafa kveikt í grafhýsi Hafez al-Assad, fyrrverandi forseta landsins og föður Bashars al-Assad Sýrlandsforseta sem var steypt af stóli um helgina.
Á myndskeiðum má sjá vopnaða menn hrópa er þeir ganga um grafhýsið í Qardaha í norðvestanverðu landinu.
Uppreisnarmennirnir, undir forystu íslamistahópsins Hayat Tahrir al-Sham (HTS), náðu í síðustu viku að binda enda á 54 ára valdatíð Assad-ættarinnar. Bashar al-Assad Sýrlandsforseti flúði land og hefur nú fengið hæli í Rússlandi.
Höggmyndir og veggspjöld af Hafez al-Assad hafa verið tekin niður víða í landinu, oft við mikil fagnaðarlæti íbúa. Hafez stýrði landinu frá 1971 fram að andláti sínu árið 2000, en þá hlaut sonur hans völdin.
Vaka hf. lýst gjaldþrota
Þorgerður geti virkað sem límið í samstarfinu
Bjarni: „Lítil tíðindi í þessum tölum“
Starfsfólk Blackbox fái laun ekki greidd
Allt uppbókað í hjónavígslunum
Ætla að fara yfir hvað fór úrskeiðis
Opna auka skurðstofu vegna fjölda hálkuslysa