Sádiarabísk stjórnvöld segjast hafa varað þýsk stjórnvöld við Taleb Jawad Al Abdulmoh­sen sem ók bifreið inn í fólksfjölda á jólamarkaði í Magdeburg í síðustu viku.

Breska ríkisútvarpið greinir frá þessu.

Þá segja sádiarabísk yfirvöld að þýsk stjórnvöld hafi skeytt engu um þessar viðvaranir. Yfirvöld í Sádi-Arabíu segja að þessar viðvaranir hafi lotið að skaðlegum hugmyndum hans. 

Hins vegar séu yfirvöld í Sádi-Arabíu að vinna með þýskum stjórnvöldum við það að safna saman öllum upplýsingum um al Abdulmohsen.

Taleb Jawad Al Abdulmoh­sen. AFP

Frétt af mbl.is

Tók þrjár mínútur að drepa fimm og særa 200

Fimm eru látnir og 200 særðir vegna árásar Al Abdulmohsen. Níu ára barn er meðal hinna látnu.

Nancy Faeser, inn­an­rík­is­ráðherra Þýska­lands, sagði í gær ­að Al Abdulmoh­sen væri and­víg­ur íslamstrú þrátt fyr­ir að vera al­inn upp í trúnni.

Horst Nopens sak­sókn­ari sagði að Al Abdulmoh­sen hafi þegar sagt ástæðu árás­ar­inn­ar hafa verið óánægju hans með hvernig farið sé með sádiar­ab­íska flótta­menn í Þýskalandi.

Al Abdulmoh­sen er frá Sádí-Ar­ab­íu og er menntaður lækn­ir. Kom hann fyrst til Þýska­lands árið 2006 og stundaði þá sér­nám í lækna­námi sínu og starfaði sem lækn­ir að því loknu.

Frétt af mbl.is

Barnið sem lést var níu ára gamalt

Tengdar fréttir

Árás á jólamarkað í Magdeburg

Öðrum leik frestað vegna árásarinnar

• Syrgja fórnarlömb bílaárásar
• Barnið sem lést var níu ára gamalt
• Hrikalegt að heyra fréttirnar
• Tók þrjár mínútur að drepa fimm og særa 200

» Fleiri tengdar fréttir

• Blogga um frétt