Farið í aðra umferð: Munaði minna en einu prósenti

Zoran Milanovic, sitjandi forseti Króatíu, hlaut ekki hreinan meirihluta í forsetakosningunum þar í landi eins og útgönguspár spáðu fyrir um og verður því farið í aðra umferð forsetakosninganna 12. janúar.

Hlaut Milanovic 49,11% atkvæða og munaði því sáralitlu að hann hlyti hreinan meirihluta.

Frétt af mbl.is

Milanovic með hreinan meirihluta

Næsti á eftir með undir 20%

Hans helsti andstæðingur í kosningabaráttunni, Dragan Primorac, hlaut 19,37% atkvæða.

Milanovic er vinstrimaður og var áður formaður Jafnaðarmannaflokks Króatíu, sem er í stjórnarandstöðu á þingi Króatíu.

Primorac er hins vegar studdur af íhaldsflokknum HDZ sem er stærsti flokkur landsins og leiðir ríkisstjórn þess.

Á eftir þeim komu miðju-hægri þingmaðurinn Marija Selak Raspudic og vinstri þingmaðurinn Ivana Kekin, en þær hlutu um 9% atkvæða hvor.

• Blogga um frétt