Dómur yfir Trump staðfestur
Setja bókamerki
Áfrýjunardómstóll staðfesti í dag dóm yfir Donald Trump, verðandi og fyrrverandi Bandaríkjaforseta, í kynferðisbrotamáli sem E. Jean Carroll höfðaði gegn honum.
Trump skal greiða amerísku blaðakonunni og rithöfundinum fimm milljónir bandaríkjadala eða sem jafngildir rúmum 720 milljónum króna.
Kynferðisleg misnotkun og ærumeiðingar
Donald Trump hefur alltaf neitað ásökununum en honum er gefið að sök að hafa nauðgað Carroll um miðjan tíunda áratug síðustu aldar. Forsetinn verðandi var fundinn sekur um kynferðislega misnotkun í maí á síðasta ári en ekki um nauðgun.
Áfrýjunardómstóll hefur nú staðfest dóminn og er Trump gert að greiða Carroll tvær milljónir dala vegna kynferðisbrotanna og þrjár milljónir að auki vegna ærumeiðandi ummæla sem hann viðhafði um Carroll þegar hann m.a. sagði hana ekki sína týpu og að hún væri einungis að ásaka hann um verknaðinn til að bók hennar myndi seljast betur.
Í janúar var Trump dæmdur til að greiða Carroll rúmar 83 milljónir bandaríkjadala í öðru ærumeiðingarmáli. Forsetinn verðandi hefur sagst ætla að áfrýja þeim dómi.
Gera má ráð fyrir hálku
Þrír með stöðu sakbornings
Aldrei fleiri útlendingar afplánað dóm á Íslandi
Titringurinn ekki hönnunargalli
Skjálftar í Bárðarbungu
Hljóta að sjá að ekki sé hægt að stoppa þetta
Meiddist eftir að múrsteini var kastað í gegnum rúðu
Mesta vatnshæð frá upphafi mælinga