Flugsamgöngur úr skorðum á Englandi

Mikil snjókoma á Englandi hefur raskað flugsamgöngum víða um land, en loka þurfti flugbrautum meðal annars í Liverpool og Bristol vegna veðurs. Farþegar hafa því mátt þola töluverðar seinkanir. AFP-fréttastofan greinir frá.

Þá varð að fresta einhverjum flugferðum á flugvellinum í Birmingham, sem og í Manchester. 

Flugvöllurinn í Bristol var opnaður aftur um klukkan ellefu í gærkvöldi en gert er ráð fyrir áframhaldandi töfum á flugi vegna veðurs.

Frétt af mbl.is

Snjókoma setur samgöngur úr skorðum á Englandi

Gert ráð fyrir allt 40 sentímetra djúpum snjó

Veðurviðvörun var gefin út á föstudag vegna mikils kulda og snjókomu fyrir stóran hluta af Wales ásamt mið- og norðurhluta Englands. Í Bingley féll að minnsta kosti 12 sentímetra þykkt snjólag í nótt, en varað hafði verið við allt að 30 til 40 sentímetra djúpum snjó.

Rafmagn hefur farið af á einhverjum svæðum, þá helst afskekktari byggðum og er unnið að því að koma því aftur á.

• Blogga um frétt