Bandarísk yfirvöld vara við miklum og hættulegum vindum sem gætu dreift gróðureldum lengra inn í íbúðarhverfi Los Angeles-borgar.

Staðfest er að 16 manns hið minnsta hafi látist í eldunum sem geisað hafa í borginni. Heilu hverfin hafa brunnið og þúsundir orðið heimilislaus.

Frétt af mbl.is

Tala látinna hækkar

„Þetta er enn hættulegt“

Þrátt fyrir umfangsmikið slökkvistarf hafa Palisades-eldarnir haldið áfram að vaxa og breiðast út í austur í átt að Getty Center-listasafninu og norður í hinn þéttbýla San Fernando-dal.

„Vindarnir eru hugsanlega að verða hættulegir og sterkir á ný,“ segir Deanne Criswell, yfirmaður almannavarnarstofnunarinnar FEMA (Federal Emergency Management Agency) í viðtali við CNN.

„Það sem fólk þarf helst að vita er að þetta er enn hættulegt.“

Frétt af mbl.is

„Ég á 10-15 vini sem eru búnir að missa allt“

Allt að 22 m/s í vindhviðum

Spáð var allt að 22 m/s vindhviðum á svæðinu í morgun. 

Átti að lægja eftir því sem liði á daginn og hvessa aftur í nótt, að sögn Bandarísku veðurstofunnar.

Tengdar fréttir

Gróðureldar í Los Angeles

Vill senda úkraínska slökkviliðsmenn til LA

• Myndskeið: Lúxusvillur í Malibu rústir einar
• Tala látinna hækkar
• „Ég á 10-15 vini sem eru búnir að missa allt“
• Myndskeið: Heimili Parísar Hilton brunnið til kaldra kola

» Fleiri tengdar fréttir

• Blogga um frétt