Samninganefndir Ísraels og Hamas-hryðjuverkasamtakanna hafa náð saman um tímabundið vopnahlé og lausn 33 gísla í haldi Hamas. Ísrael mun láta úr haldi palestínska fanga í ísraelskum fangelsum. 

Háttsettur bandarískur embættismaður staðfestir þetta í samtali við AFP. 

Ísraelsmenn segja að enn eigi eftir að klára nokkur smáatriði sem þeir vonast til þess að leysa úr í kvöld.

„Nokkur ákvæði í samningnum eru enn óleyst og við vonumst til að hægt verði að ganga frá smáatriðum í kvöld,“ sagði skrifstofa Benjamíns Netanjahús forsætisráðherra í yfirlýsingu.

Trump fagnar

Donald Trump tekur við embætti Bandaríkjaforseta eftir fimm daga og hann hefur nú birt færslu á samfélagsmiðlum. 

„Við höfum náð samning fyrir gíslana í Miðausturlöndum. Þeim verður sleppt innan skamms. Takk fyrir!“ sagði Trump á samfélagsmiðlinum Truth. Hann hafði ítrekað sagt að ef Hamas myndi ekki semja áður en hann tæki við embætti þá yrði það þeim dýrkeypt.

Íbúar á Gasa, sumir með skotvopn í fórum sér, fögnuðu fréttum um að samningar hefðu náðst. AFP/Bashar Taleb

Tengdar fréttir

Ísrael/Palestína

Hótar að hætta í ríkisstjórn Ísraels

• Útlit fyrir vopnahlé á næstu dögum
• Segir Hamas reiðubúin að sleppa 34 gíslum
• „Þessum hryllingi verður að linna“
• Átta milljarða vopnasala til Ísraels

» Fleiri tengdar fréttir

• Blogga um frétt