Moody tekur sæti Rubio í öldungadeildinni
Setja bókamerki
Ashley Moody, ríkissaksóknari Flórída, hefur verið skipuð til þess að taka sæti Marco Rubio, utanríkisráðherraefni verðandi Bandaríkjaforseta, í öldungadeild Bandaríkjaþings.
Ron DeSantis, ríkisstjóri Flórída, greindi frá þessu á blaðamannafundi fyrir skömmu.
Dagblaðið Wall Street Journal greinir frá.
Mun leggja áherslu á að tryggja landamærin
Marco Rubio er kjörinn öldungadeildarþingmaður Flórída en þar sem Donald Trump, verðandi Bandaríkjaforseti, hefur tilnefnt hann til þess að gegna stöðu utanríkisráðherra – sem verður að öllum líkindum samþykkt af öldungadeildinni – þá losnar sæti hans.
Fellur það því í skaut DeSantis að skipa nýjan þingmann.
DeSantis sagði á blaðamannafundinum að hann hefði valið Moody þar sem hún myndi leggja áherslu á að skera niður útgjöld hins opinbera og tryggja landamærin.
Kosið um þingsætið á næsta ári
Repúblikanar eru með 53 þingmenn í öldungadeildinni á sama tíma og demókratar eru með 47.
Moody er repúblikani og mun vera skipuð í þingsætið þar til kosið verður um þingsætið á næsta ári.
Rubio er eitt minnst umdeilda ráðherraefni Trumps og er talið að hann verði samþykktur með þokkalegum meirihluta öldungadeildarinnar.
Hjartað sló með þjóðinni
Ráðinn til 2028 – vonast til að vera lengur
Stjörnvöld voru vöruð við
Áforma framleiðslu vetnis við Korpu
Ágallar á framkvæmd kosninganna
Skoðað hvort hægt sé að laga
Búa sig undir verkfallsaðgerðir