„Í dag eru hjörtu okkar full af þakklæti“

„Í dag eru hjörtu okkar full af þakklæti og við þökkum guði fyrir að halda Ryan á lífi og færa hann aftur heim eftir 894 erfiðustu daga lífs okkar,“ segir í yfirlýsingu fjölskyldu Ryan Corbett.

Hann er annar Bandaríkjamannanna sem talíbanar láta af hendi í fangaskiptum við Bandaríkin. 

Utanríkisráðherra talíbana staðfesti í morgun að hún hefði sleppt tveimur bandarískum ríkisborgurum úr haldi í skiptum fyrir Mohammad, vegna samkomulags sem Katar hafði milligöngu um.

Í yfirlýsingu ráðherrans kom fram að Mohammad hefði verið að afplána lífstíðardóm í Kaliforníu en hann var handtekinn fyrir tæpum tveimur áratugum í Nangarhar-héraðinu í Afganistan.

• Blogga um frétt