Tekur upp hanskann fyrir biskupinn í Washington
Setja bókamerki
„Hlutverk kristinnar kirkju er að standa með þeim sem verða undir í samfélaginu, vera rödd þeirra sem eiga ekki rödd. Það er einmitt það sem Mariann Edgar Budde biskup í Biskupakirkjunni í Washington gerði í prédikun sinni,“ skrifar Guðrún Karls Helgudóttir, biskup Íslands, í færslu á Facebook.
Budde, biskupinn í Washington, fór með prédikun í gærmorgun þar sem hún meðal annars biðlaði til Donalds Trumps Bandaríkjaforseta um að sýna miskunn. Hún sagði forsetann vekja upp hræðslu meðal innflytjenda og hinsegin fólks.
Trump var viðstaddur messuna og féll prédikunin í grýttan jarðveg hjá forsetanum.
Í færslu á samfélagsmiðli sínum Truth Social í gær lýsti Trump biskupnum sem „róttækum vinstri-sinnuðum Trump-hatara.“
Ólíklega auðveldasta ræðan á ferlinum
Guðrún segir að ræðan hafi ólíklega verið sú auðveldasta sem Budde hefur flutt.
„Margt fólk er enn óttaslegnara eftir fyrsta sólarhring Trumps í embætti. Hann ætlar sér ekki að sýna miskunnsemi í garð fólks sem tilheyrir minnihlutahópum s.s. innflytjendum og trans fólki,“ skrifar Guðrún.
Hún óskar þess að ræða Budde muni sá fræjum þrátt fyrir allt og atvikið minna á hversu mikilvægt það sé að sofna aldrei á verðinum þegar það kemur að mannréttindum.
Ákvörðun Trumps veldur titringi
Viljum hvorki vera Danir né Bandaríkjamenn
„Þetta er ógnvænleg staða“
Inga Sæland fyrir og eftir ráðherrastólinn
Bendir hveitifyrirtæki á kærumöguleika
Ekki tekist að vernda börn þrátt fyrir vitneskju