Musk ávarpaði óvænt samkomu AFD

Elon Musk var óvæntur gestur í gegnum fjarfundarbúnað á kosningafundi þýska þjóðernisflokksins AFD í gær. Sagði hann að flokkurinn væri besta valið fyrir framtíð Þýskalands.

„Ég held að það sé of mikil áhersla lögð á sekt vegna fortíðarinnar og við þurfum að komast yfir það. Börn ættu ekki að vera dæmd sek fyrir syndir langömmu og langafa þeirra,“ sagði hann á fundinum og vísaði þar væntanlega í árin 1933-1945 þegar Nasistar stýrðu Þýskalandi.

Þátttaka Elon Musk í stjórnmálum hefur vakið blendin viðbrögð. Burtséð frá stuðningi hans við Donald Trump Bandaríkjaforseta hefur hann einnig komið af krafti inn í þjóðfélagsumræðuna í Þýskalandi og Bretlandi.

Frétt af mbl.is

„Brottvísunarmiðar“ fyrir útlendinga vekja úlfúð

AFD með meira fylgi en Jafnaðarmannaflokkurinn

AFD er þjóðernisflokkur sem aðrir þýskir stjórnmálaflokkar hafa lengst af heitið því að starfa ekki með. Kristilegir demókratar hafa þó opnað á það að þiggja stuðning frá AFD á næsta kjörtímabili við að ná í gegn frumvörpum um útlendingamál.

AFD hefur lagt mesta áherslu á útlendingamál í aðdraganda kosninga en einnig orkumál og efnahagsmál. Sambandsþingskosningar fara fram í Þýskalandi í næsta mánuði.

Flokkurinn mælist með sögulega mikið fylgi, um 20%, sem er meira fylgi en Jafnaðarmannaflokkur Olaf Scholz Þýskalandskanslara mælist með.

Kristilegir demókratar mælast með um 30% fylgi og er talið líklegast að leiðtogi þeirra, Friedrich Merz, verði næsti Þýskalandskanslari.

Frétt af mbl.is

Mun loka landamærunum

Á þessu skilti sem mótmælandi mætti með segir: „Hann er kominn aftur.“ Á myndinni er Björn Hoecke, leiðtogi AFD í Thuringia-héraði, til hægri og Joseph Goebbels, áróðursmeistari nasista, til vinstri. AFP/Kirill Kudryavtsev

Víða mótmælt: „Út með nasista“

„Ég held að komandi kosningar í Þýskalandi séu mjög mikilvægar,“ sagði Musk og bætti við:

„Ég held að þær gætu ráðið úrslitum um örlög Evrópu, kannski örlög heimsins.“

Musk hefur að undanförnu lýst yfir stuðningi við AFD á samfélagsmiðli sínum X og hélt til dæmis streymi í beinni útsendingu með Alice Weidel, leiðtoga AFD, fyrir tveimur vikum síðan.

Weidel sagði á fundinum í gær að hælisleitendur í Þýskalandi þyrftu að vera sendir úr landi svo að Þjóðverjar gætu búið öryggir í eigin landi.

Tugir þúsunda mótmæltu AFD í um 60 bæjum og borgum víða um Þýskaland. Mótmælin voru að mestu leyti friðsæl og fólk hélt á skiltum þar sem á stóð meðal annars:

„Út með nasista.“

Alice Weidel, leiðtogi AFD. AFP

• Blogga um frétt