Rússar missa mikilvæga höfn
Setja bókamerki
Tengdar fréttir
Sýrland
Sýrlensk stjórnvöld hafa rift samkomulagi við Rússa um rekstur hafnaraðstöðu í borginni Tartus við Miðjarðarhaf. Rekstur hafnarinnar er nú í höndum sýrlenskra yfirvalda.
Ný ríkisstjórn Sýrlands, sem tók við völdum í lok síðasta árs eftir að hafa steypt Bashar al-Assad Sýrlandsforseta af stóli, rifti samkomulaginu sem var gert við rússneska verktakafyrirtækið Stroytransgaz. Það var undirritað árið 2019 og átti að gilda í 49 ár.
Samkvæmt samningum stóð til að Rússar myndu fjárfesta upp á sem nemur um 500 milljónum dala til að nútímavæða höfnina, en upphæðin jafngildir um 70 milljörðum króna.
Fram kemur í umfjöllun Newsweek að sýrlensk stjórnvöld séu með þessu að reyna að draga úr viðveru og áhrifum Rússa í landinu og ljóst þykir að þetta muni skaða samskipti ríkjanna.
Högg fyrir Rússa
Þetta er mikið högg fyrir rússneska flotann því höfnin í Tartus hefur verið þeim mikilvæg og veitt þeim aðgang að Miðjarðarhafinu.
Tollstjórinn í Tartus, Riad Judy, segir að allar tekjur sem koma inn í tengslum við hafnarstarfsemina muni nú renna í ríkissjóð.
Tengdar fréttir
Sýrland
Lýsa stuðningi við Grænland
Buðust til að senda hermenn til Grænlands
NATO og ESB þegja þunnu hljóði
Ræna fólki og neyða í herþjónustu
Þrot vofir yfir Flokki fólksins
Hefta þarf aðgengi barna að klámi
„Stærsti núverandi baráttuvettvangur stórveldanna“
„Við treystum því að þetta muni fara vel“