Rannsókn er hafin á flugslysinu í Washington sem varð á miðvikudagskvöld þegar farþegaþota og herflugvél rákust saman og hröpuðu í Potomac-ánna. 67 sem voru samtals í vélunum báðum og eru allir taldir af.

Rannsakendur fundu í gær svörtu kassanna tvo úr farþegaflugvélinni en um er að ræða bæði raddupptökutækið og flugganaritann. Flugmálayfirvöld í Bandaríkjunum segja of snemmt að segja til um orskök flugslyssins en vonast er til að hægt verði að birta bráðabirgðaniðurstöður úr rannsókinni innan 30 daga.

Frétt af mbl.is

Ólíklegt að nokkur hafi komist lífs af

Hljóðupptökur úr flugturninum hafa verið spilaðar opinberlega þar sem flugumferðarstjórar heyrast ítrekað spyrja þyrluflugmennina hvort þeir sjái ekki þotuna. Rétt áður en áreksturinn varð biðja flugumferðarstjórarnir þyrluna um að fljúga yfir aftan farþegavélina.

Í gærkvöld höfðu fundist um 40 lík í Potomac-ánni og stendur leit enn yfir en 60 farþegar voru í þotunni ásamt fjögurra manna áhöfn og þrír bandarískir hermenn voru í þyrlunni.

Á blaðamannafundi í gær sagði Donald Trump Bandaríkjaforseti að Joe Biden, fyrrverandi forseti, hafi grafið undan flugöryggi í landinu og hafi beitt sér fyrir að ráða fólk með fjölbreyttan bakrunn. Með því hafi vanhæfir flugumferðarstjórar verið ráðnir til starfa.

Búið er að finna 40 lík í Potomac-ánni. AFP

Tengdar fréttir

Flugslys í Washington

Laufey minntist fórnarlamba flugslyssins

• Ólíklegt að nokkur hafi komist lífs af
• Rússneskir heimsmeistarar í listhlaupi voru um borð í vélinni
• Flugslys í Washington: Enginn fundist á lífi

• Blogga um frétt