Boðar 25 prósenta toll á stál og ál
Setja bókamerki
Donald Trump Bandaríkjaforseti ætlar að leggja 25 prósenta toll á stál og ál sem flutt er inn til Bandaríkjanna.
Trump greindi blaðamönnum um áform sín um borð í forsetaþotunni á leið til New Orleans en Trump fylgdist með úrslitaleiknum um Ofurskálina í nótt og er fyrsti sitjandi forsetinn sem gerir það.
Bandaríkjamenn kaupa mest af stáli og áli frá Kanadamönnum og þá flytja Bandaríkjamenn talsvert af stáli inn frá Brasilíu, Suður-Kóreu og Mexíkó.
Trump lagði á svipaða tolla í forsetatíð sinni 2017-2021 til að vernda bandarískan iðnað, sem hann taldi standa frammi fyrir óréttmætri samkeppni frá Asíu- og Evrópulöndum.
Trump boðaði enn fremur innflutningsgjöld á vörur frá löndum sem skattleggja innflutning frá Bandaríkjunum. Hann tilgreindi ekki hvaða þjóðir yrðu skotmark eða hvort það yrðu einhverjar undanþágur.
Stuttu eftir að Trump settist á nýjan leik í forsetastólinn boðaði hann 25 prósenta innflutningstoll á vörur frá Kanada, Mexíkó og Kína en nokkru síðar frestaði hann að koma tollunum á gagnvart Kanada og Mexíkó eftir að löndin hétu því að herða aðgerðir til að stemma stigu við flæði fíkniefnisins fentanýls og flutningi óskráðra innflytjenda til Bandaríkjanna.
Sagði Sigurð ljúga blákalt að þingheimi
„Þegar þessi ógeðslega harka var ekki“
„Tilbúin til að takast á við gos í þessum mánuði“
Uppbygging íbúða komin í óefni
Skoða hvernig ráðuneytið getur beitt sér
Telur að Alfreð hafi verið í geðrofi
Erfitt að lesa Morgunblaðið í gær