Donald Trump Bandaríkjaforseti segist hafa átt langt og mjög árangursríkt samtal við Vladimír Pútín Rússlandsforseta í dag. Þeir hafi sammælst um að hefja tafarlaust viðræður til að binda endi á stríð Rússlands í Úkraínu.

Í yfirlýsingu segir Trump að leiðtogarnir hafi hvor um sig boðið hinum að heimsækja þjóð sína. Báðir hafi þeir þekkst slíkt boð.

Þá muni hann nú hringja í Volodimír Selenskí, forseta Úkraínu, til að upplýsa hann um símtalið.

Mögulegt að finna lausn

Í yfirlýsingu frá Kremlinni segir að símtalið hafi varað í eina og hálfa klukkustund og að leiðtogarnir hafi verið sammála um að kominn væri tími til að vinna saman.

Pútín mun hafa tjáð Trump að mögulegt væri að finna langtíma lausn á stríðinu, sem hófst þegar Rússland réðst inn í Úkraínu fyrir þremur árum. 

Fyrr í vikunni skiptust ríkin tvö á föngum, þegar bandaríski kennarinn Marc Fogel var leystur úr haldi Rússa í skiptum fyrir rafmyntajöfurinn Alexander Vinnik.

Frétt af mbl.is

„Líður eins og heppnasta manni í heimi“

Tengdar fréttir

Úkraína

Trump hringdi í Selenskí: Þakklátur fyrir áhugann

• Handtekinn grunaður um njósnir fyrir Rússa
• Rússland gerði árás á Kænugarð
• Geta hvorki staðfest né neitað fyrir samskiptin
• Börn í Úkraínu fengu gjafir frá Íslandi

» Fleiri tengdar fréttir

Donald Trump Bandaríkjaforseti

Trump og Pútín hittast líklega í Sádi-Arabíu

• „Líður eins og heppnasta manni í heimi“
• Stöðva góðgerðastarfsemi í kjölfar ákvörðunar Trumps
• Vill að öllum gíslum verði sleppt fyrir laugardag
• Trump staðfestir 25% tolla á allan innflutning á stáli og áli

» Fleiri tengdar fréttir

• 1 blogg um fréttina

Bloggað um fréttina

• Gunnar Rögnvaldsson: Rúllað yfir ESB-hrúguna