Fimmtán létust í troðningi

Að minnsta kosti fimmtán manns létust í troðningi sem myndaðist á járnbrautarstöð í Nýju Delí í Indlandi fyrr í kvöld. Á meðal hinna látnu eru þrjú börn og tíu konur.

Breska ríkisútvarpið greinir frá.

Stjórn náðst á ástandinu

Mikill mannfjöldi hafði myndast á járnbrautastöðinni þar sem margir voru að leggja leið sína á trúarsamkomuna Kumbh Mela sem er ein stærsta trúarhátíð heims og einn af heilögustu dögum hindúa.

Að sögn yfirvalda hefur nú náðst stjórn á ástandinu.

Forsætisráðherra Indlands, Narendra Modi, hefur tjáð sig um troðninginn á miðlinum X og segir huga sinn vera með öllum þeim sem misstu ástvini. 

Tugir létust á hátíðinni í lok janúar

Í viðtali við breska ríkisútvarpið segir einn sjónarvottur að mannfjöldinn hafi verið svo mikill að ekki var hægt að komast inn á stöðina.

Annar segir lögreglu hafa verið að sinna starfi sínu en að mannfjöldinn hafi einfaldlega orðið of mikill.

Aðeins eru rúmar tvær vikur síðan tugir létust í troðningi á Kumbh Mela en hátíðin stendur yfir í sex vikur.

Frétt af mbl.is

„Hann kom aldrei til baka“

Frétt af mbl.is

Búast við 400 milljónum gesta

• Blogga um frétt