Rússar og Bandaríkjamenn funda strax
Setja bókamerki
Háttsettir embættismenn frá Rússlandi og Bandaríkjunum munu eiga viðræður í Sádi-Arabíu í dag til að ræða bætt samskipti þjóðanna, mögulegt vopnahlé í Úkraínu og leiðtogafund þar sem þeir Vladimír Pútín Rússlandsforseti og Donald Trump Bandaríkjaforseti munu hittast.
Rússneskir og bandarískir embættismenn hafa átt í samskiptum vegna stríðsins í Úkraínu eftir að Trump hringdi í þá Pútín og Volodimír Selenskí Úkraínuforseta í liðinni viku. Þar þrýsti Trump á leiðtogana að stöðva stríðið.
Sergei Lavrov, utanríkisráðherra Rússlands, og Júrí Usjakov, sem er háttsettur ráðgjafi Pútíns, munu fljúga til Riyadh í dag að sögn Dimitrís Peskovs, talsmanns rússneskra stjórnvalda.
Hann sagði að meginþungi viðræðnanna myndi fara í að ræða bætt tengsl Rússlands og Bandaríkjanna.
Vilja ræða öryggismál á breiðum vettvangi
Rússar hafa sagt að þeir vilji ræða öryggismál á mjög breiðum vettvangi fremur en að ræða mögulegt vopnahlé í Úkraínu.
Þá höfðu Rússar gagnrýnt harðlega veru hersveita á vegum NATO í Mið- og Austur-Evrópu auk þess sem þeir höfðu óskað eftir að herliðin yrðu dregin til baka frá nokkrum ríkjum í Austur-Evrópu áður en þeir réðust inn í Úkraínu í febrúar 2022.
Borgarstjóri vinstrimeirihluta óráðinn
Tilkynning frá Play: Harma ónákvæmar tilkynningar Kauphallar
Aukin hætta á eldgosi
Fyrsta banaslysið í umferðinni í ár
„Vonbrigði“ segir Ástráður: Hittir deiluaðila í dag
Ísland háskattaland miðað við önnur lönd
„Viðhaldið er bara verulega svelt“
Mótmæla lokun flugbrautar