Hafna yfirlýsingum Trumps með öllu
Setja bókamerki
Tengdar fréttir
Úkraína
Leiðtogar Evrópuríkja hafa margir brugðist við yfirlýsingu Donalds Trumps Bandaríkjaforseta í dag, þar sem hann kallaði Volodimír Selenskí Úkraínuforseta einræðisherra.
Olaf Scholz, kanslari Þýskalands, hafnar fullyrðingunni með öllu og segir hættulegt og rangt að draga lögmæti Selenskís í efa. Minnir kanslarinn á að það var Rússland, undir stjórn Vladimírs Pútin, sem hóf stríðið í Úkraínu.
Trump birti yfirlýsingu sínu á X í dag þar sem hann heldur því fram að Selenskí neiti að halda kosningar. Segir hann hafa tapað miklu fylgi og að það eina sem hann hafi verið góður í hafi verið að spila á Joe Biden „eins og fiðlu“.
„Einræðisherra án kosninga, eins gott að Selenskí aðlagi sig fljótt, svo hann missi ekki land sitt,“ skrifar Trump.
Ef það væru haldnar kosningar væri friður
Í viðtali við þýska miðilinn Spiegel minnir Scholz á að það sé erfitt að halda lýðræðislegar kosningar í miðju stríði sem væru í samræmi við stjórnarskrá og kosningalög í Úkraínu.
Þá hefur forsætisráðherra Svíþjóðar, Ulf Kristersson, einnig lagt orð í belg. Í viðtali við sænska ríkisútvarpið minnir hann á að Selenskí hafi verið kosinn í lýðræðislegum kosningum.
Kosið er til forseta Úkraínu á fimm ára fresti. Selenskí var kjörinn árið 2019 og undir eðlilegum kringumstæðum hefðu forsetakosningar verið haldnar á síðasta ári.
„Ég held að enginn vilji halda kosningar eins mikið og Úkraína, af því að kosningar myndu þýða að það væri friður í Úkraínu,“ segir Kristersson.
Tengdar fréttir
Úkraína
Nýtt algengt kynferðisbrot barna rakið til Tiktok
„Viðhaldið er bara verulega svelt“
/frimg/1/55/0/1550059.jpg)
Hugmyndin spratt upp hjá grasrótinni í Árborg
Fyrsta banaslysið í umferðinni í ár
Aukin hætta á eldgosi
„Komið til móts við það sem við teljum okkur þurfa“
„Það var öllum öryggiskröfum fylgt“
SÍS hafnar tillögu ríkissáttasemjara