Erlent | AFP | 20.2.2025 | 11:37

Náð meira en 800 ferkílómetrum aftur á sitt vald

Rússland hefur endurheimt 64% af því svæði sem Úkraína tók yfir í gagnárás sinni í Kúrsk-héraði í Rússlandi.

Úkraínski herinn gerði gagnárás í héraðinu í ágúst á síðasta ári og svo aftur í byrjun síðasta mánaðar.

Frétt af mbl.is

Úkraínumenn komnir 30 kílómetra inn í Rússland

Að sögn yfirmanns í rússneska hernum er Rússland hægt og bítandi að ná aftur völdum yfir þeim svæðum sem Úkraína tók yfir í Kúrsk-héraði. Myndin er frá því í ágúst er úkraínski herinn gerði gagnárás í héraðinu. AFP

400 ferkílómetrar á valdi Úkraínu

Að sögn yfirmanns í rússneska hernum, Sergei Rudskoi, hefur meira en 800 ferkílómetrum verið náð til baka sem samsvarar 64% af því landsvæði sem úkraínski herinn tók yfir. Byggt á þeirri yfirlýsingu eru enn rúmlega 400 ferkílómetrar í héraðinu á valdi úkraínska hersins.

Yfirmaður í úkraínska hernum, Olaksandr Syrsky, sagði í síðustu viku að um 500 ferkílómetrar af héraðinu væru undir stjórn hersins en landsvæðið er talið spila mikilvægan þátt þegar kemur að því að ná samkomulagi um að ná friði í innrásarstríði Rússa.

Frétt af mbl.is

Ráðast inn í Kúrsk til að skapa „hlutlaust svæði“

Tekið yfir 600 ferkílómetra síðan í byrjun árs

Að sögn Rudskoi eru nú rússneskar hersveitir að ná yfirráðum á svæðinu þar sem þær komast áfram úr öllum áttum. Þá sagði hann rússneska herinn hafa náð um 75% af úkraínsku héruðunum Donetsk, Zaporizhzhia og Kherson á sitt vald og að Úkraína hefði stjórn yfir minna en einu prósenti af Lugansk-héraðinu. Nokkrum mánuðum eftir innrás sína í Úkraínu tilkynnti Rússland að héruðin væru innlimuð þrátt fyrir að herinn hefði ekki náð yfir öll landsvæðin.

Segir Rudskoi að síðan í byrjun árs hafi Rússland tekið yfir 600 ferkílómetra af landsvæði í Úkraínu og að stjórn Úkraínu muni ekki lengur geta breytt stöðunni verulega á vígvellinum.

Árið 2024 sagði Rudskoi að Rússland hefði náð yfir 4.500 ferkílómetrum af landsvæði í Úkraínu og kallaði hann það metár.