Trump vill fá Pútín og Selenskí saman á fund
Setja bókamerki
Donald Trump Bandaríkjaforseti kveðst vilja fá Rússlandsforseta og Úkraínuforseta saman á fund til þess að binda enda á innrásarstríð Rússlands í Úkraínu.
Þetta sagði hann við blaðamenn í Hvíta húsinu fyrr í kvöld.
„Ég held að Pútín forseti og Selenskí forseti verði að koma saman. Því við viljum hætta að drepa milljónir manna,“ sagði Trump.
Selenskí: Evrópa þarf að gera meira
Selenskí hélt sjónvarpsávarp fyrir landsmenn sína fyrr í kvöld þar sem hann sagði að Evrópa þyrfti að gera meira til að tryggja frið.
„Evrópa verður og getur gert miklu meira til að tryggja að friður komist á,“ sagði hann.
Selenskí hefur í dag rætt við þjóðarleiðtoga Þýskalands, Svíþjóðar, Póllands og Króatíu en undanfarna daga hefur verið mikill hiti á milli Selenskís og Trumps.
Trump sagði meðal annars á dögunum að Selenskí væri einræðisherra.
Vill sanngjarna samninga um jarðefni
Ríkisstjórn Donalds Trumps hefur krafist þess að Úkraína undirriti samning sem veitir stjórnvöldum í Bandaríkjamönnum aðgang að sjaldgæfum jarðefnum landsins, sem Selenskí hafnaði áður.
Núna virðist þó vera komið annað hljóð í strokkinn hjá Selenskí en hann er sagður tilbúinn að ganga til samninga um sjaldgæf jarðefni.
Hann tekur þó fram að samningar þurfi að vera sanngjarnir og til hagsbóta fyrir báðar þjóðir.
Heiða Björg er nýr borgarstjóri
Guðrún: Vill endurgreiða ríkisstyrkinn
Hættu við af ótta við afleiðingarnar
Formaðurinn mætti ekki á fund stjórnar
Furðar sig á Jóni Pétri
Sagði upp starfi sínu eftir tíðindi dagsins
Nýr meirihluti tekur við
