Rússar skutu 267 drónum í einni árás á Úkraínu í nótt en ekki hafa fleiri drónar verið notaðir í einni árás frá því innrás Rússa hófst í febrúar 2022, að sögn Júrí Ignat, talsmanns úkraínska flughersins.

138 drónar voru skotnir niður af loftvarnakerfum en 119 þeirra „týndust“ án þess að valda skaða, að því er Ignat segir í færslu á Facebook.

Hann sagði ekki hvað varð um þá tíu sem eftir voru en í yfirlýsingu hersins á Telegram sagði að nokkur svæði, þar á meðal Kænugarður, hefðu orðið fyrir árás.

Frétt af mbl.is

Trump vill fá Pútín og Selenskí saman á fund

20 úkraínskir drónar „eyðilagðir“

Rússnesk flugskeytaárás seint í gærkvöldi varð einum að bana og fimm til viðbótar særðust í bænum Kríví Rig, að sögn yfirvalda.

Til að reyna að koma í veg fyrir daglegar loftárásir Rússa hefur Úkraínuher oft reynt að trufla Rússa langt frá vígstöðvunum, til dæmis með því að ráðast beint á herstöðvar og iðnaðarsvæði innan Rússlands.

Tuttugu úkraínskir drónar sem skotið var á loft gegn Rússlandi voru „eyðilagðir“ í nótt, að því er rússneska varnarmálaráðuneytið sagði í tilkynningu í morgun.

Rússar réðust inn í Úkraínu 24. febrúar 2022 og segja stjórnvöld í Kreml að markmið þeirra sé að verja sig gegn útþenslu NATO.

Tengdar fréttir

Úkraína

Kallar eftir samstöðu Evrópu og Bandaríkjanna

• Pútín segir Guð hafa treyst Rússum fyrir „verkefninu“
• Trump vildi ekki kalla Pútín einræðisherra
• Trump vill fá Pútín og Selenskí saman á fund
• Segja að Selenskí muni skrifa undir samninginn

» Fleiri tengdar fréttir

• Blogga um frétt