Yfir þúsund störf lögð niður

Kaffihúsakeðjan Starbucks hyggst leggja niður 1.100 störf en fyrirtækið er nú að endurskipuleggja sig og reyna að hækka sölutölur sínar.

Þetta upplýsti forstjóri keðjunnar, Brian Niccol, fyrr í dag.

Nær ekki til afgreiðslufólks

Endurskipulagningin mun ekki ná til afgreiðslufólks sem vinnur við að þjónusta viðskiptavini. Um er að ræða skrifstofu- og stjórnunarstörf.

Niccol gekk til liðs við keðjuna í september 20204 eftir að sölutölur höfðu verið að valda vonbrigðum og störfuðu þá 361.000 manns fyrir fyrirtækið, þar af 16.000 í stjórnunarstörfum.

Að sögn Niccol er fyrirtækið nú að einfalda uppbyggingu sína og búa til smærri teymi. Er ætlunin m.a. að starfa á skilvirkari hátt.

Frétt af mbl.is

Brian Niccol næsti forstjóri Starbucks

Hlutabréf hækkuðu

Þá er kaffihúsakeðjan einnig að fjarlægja ýmsar vörur af matseðli sínum þ.m.t. drykki sem seljast illa.

Þess ber að geta að hlutabréf Starbucks hækkuðu um 1,6 prósent eftir tilkynninguna í dag.

• Blogga um frétt