Kristrún Frostadóttir forsætisráðherra sótti í gær leiðtogafund í Kænugarði í Úkraínu en þá voru nákvæmlega þrjú ár liðin frá því innrás Rússlands í landið hófst.

Kristrún tók meðal annars þátt í minningarathöfn um úkraínska hermenn sem hafa fallið í varnarbaráttu þjóðarinnar á þessum þremur árum og á myndinni hér að ofan er hún með Pedro Sanchez forsætisráðherra Spánar, Mette Frederiksen forsætisráðherra Danmerkur, Ursulu von der Leyen, forseta framkvæmdastjórnar Evrópusambandsins, og Volodimír Selenskí Úkraínuforseta.

Frétt af mbl.is

„Ótrúlegt að vera hérna á þessum tíma“

Leiðtogafundinn sóttu leiðtogar Norðurlanda, Eystrasaltsríkjanna, Kanada, Spánar og stofnana Evrópusambandsins auk forseta Úkraínu. Fleiri þjóðarleiðtogar tóku þátt með fjarfundarbúnaði.

„Það skipt­ir auðvitað lyk­il­máli að banda­menn Úkraínu, þjóðir sem hugsa með svipuðum hætti, sýni stuðning sinn í verki. Við erum meðal ann­ars kom­in hérna í dag, ekki bara til að segja eitt­hvað, held­ur líka til að sýna bók­staf­lega okk­ar stuðning í verki með því að standa við skuld­bind­ing­arn­ar okk­ar.

Frétt af mbl.is

Ísland eykur fjárstuðning við Úkraínu

Lof­orð var gefið á NATO-fundi í fyrra um að við mynd­um taka þátt í varn­artengd­um út­gjöld­um í tengsl­um við Úkraínu og við mynd­um upp­fylla okk­ar hlut­fall af lands­fram­leiðslu,“ sagði Kristrún við Morgunblaðið í gær en greint var frá því í gær að Ísland myndi auka fjár­stuðning sinn við Úkraínu. Með því nem­ur stuðning­ur Íslands 3,6 millj­örðum króna á þessu ári.

Fjallað var um stríðið í Úkraínu á allsherjarþingi Sameinuðu þjóðanna í gær. Á endanum var ályktun um sanngjarnan og viðvarandi frið í Úkraínu samþykkt en í henni felst að Úkraína haldi alþjóðlega viðurkenndum landamærum sínum.

Lesa má meira um málið í Morgunblaðinu í dag

Tengdar fréttir

Úkraína

„Þessi friður getur ekki þýtt uppgjöf Úkraínu“

• Milljónir byssukúlna frá Kanada
• Ekki komin hingað til að segja bara eitthvað
• „Ótrúlegt að vera hérna á þessum tíma“
• Macron mættur í Hvíta húsið

» Fleiri tengdar fréttir