„ESB var ekki stofnað til að svindla á neinum“
Setja bókamerki
Tengdar fréttir
Fríverslun á milli Bandaríkjanna og ESB
Donald Tusk, forsætisráðherra Póllands, hafnar þeim ummælum sem Donald Trump Bandaríkjaforseti hefur látið falla um að Evrópusambandið (ESB) „hafi verið stofnað til að svindla á Bandaríkjunum“.
Trump hefur hótað að leggja á 25% tolla á innfluttar vörur frá ESB en mikil spenna hefur verið í samskiptum Bandaríkjanna og Evrópu í kjölfar þessara hótana.
„Verum bara heiðarleg. Evrópusambandið var stofnað til að svindla á Bandaríkjunum,“ sagði Trump við blaðamenn í Washington í gær.
„Það er tilgangur þess og þeir hafa staðið sig mjög vel í því,“ bætti Trump við.
Tusk, sem er fyrrverandi forseti Evrópuráðsins, mótmælti þessum ummælum í færslu sem hann birti á X. „ESB var ekki stofnað til að svindla á neinum,“ skrifaði Tusk.
Verða að koma í veg fyrir „heimskulegt“ viðskiptastríð
„Þvert á móti. Það var stofnað til að viðhalda friði, tryggja virðingu á milli ríkja, til að stuðla að frjálsum og sanngjörnum viðskiptum og til að styrkja vináttuna yfir Atlantshafið. Það er ekki flóknara en svo,“ skrifaði Tusk.
Pólland fer nú með formennsku í ráðherraráði ESB.
Fyrr í þessum mánuði sagði Tusk að menn yrðu að gera allt sem í sínu stæði til að koma í veg fyrir „algjörlega óþarft og heimskulegt“ viðskiptastríð.
Framkvæmdastjórn ESB hefur sagt að sambandið muni bregðast við fljótt og af festu fari svo að Trump leggi á nýja tolla.
Tengdar fréttir
Fríverslun á milli Bandaríkjanna og ESB
Beitir óvenjulegum leiðum til að tryggja frið
Biden með krabbamein
Hart tekist á um ástæðu húsnæðisvandans
Alltof geyst farið í hækkun veiðigjalda
Fyrirhugaður kláfur án fordæma hér á landi
Sólin breytir neysluhegðun: „Lifnar yfir landanum“
„Við erum bara ennþá í smá sjokki yfir þessu“