Selenskí: Þurfum á stuðningi Trumps að halda
Setja bókamerki
Tengdar fréttir
Úkraína
Volodimír Selenskí Úkraínuforseti segir land sitt enn þurfa á stuðningi Donalds Trump Bandaríkjaforseta að halda, þrátt fyrir hitafund gærdagsins.
Trump sakaði Selenskí meðal annars um vanþakklæti gegn hernaðaraðstoð Bandaríkjanna á fundinum í gær og skrifaði síðar á samfélagsmiðlum að Úkraínuforseti hefði „vanvirt Bandaríkin“.
Reiðubúinn að undirrita samninginn
„Það er mikilvægt fyrir okkur að fá stuðning Trumps forseta. Hann vill binda enda á stríðið, en enginn vill frið meira en við,“ sagði Selenskí í færslu á samfélagsmiðlum.
Selenskí hafði ætlað að skrifa undir langþráðan jarðefnasamning við Bandaríkin á sameiginlegum blaðamannafundi í Hvíta húsinu í gær en var vísað á dyr í kjölfar spennuþrungins fundarins.
„Við erum reiðubúin að undirrita jarðefnasamninginn og það mun vera fyrsta skrefið í átt að öryggisábyrgð,“ sagði hann.
Forveri Selenskí lýsti yfir stuðning
Leiðtogar og stjórnmálamenn í Evrópu lýstu margir yfir stuðningi við Selenskí og Úkraínu í kjölfar fundarins í gær.
Petro Poroshenko, pólitískur keppinautur Selenskí og forveri, virtist einnig verja hann í færslu á Facebook.
„Sumir bjuggust við að ég myndi gagnrýna Selenskí. En nei, það verður engin gagnrýni, því það er ekki það sem landið þarfnast núna,“ sagði hann.
Bætti hann þó við: „Við vonum virkilega að Selenskí forseti hafi varaáætlun.“
Tengdar fréttir
Úkraína
Íslendingur grunaður um að hafa keypt barnaníðsefni
„Ég hef engin önnur svör en það“
Laun þingmanna öðrum hvorum megin við tvær milljónir
Samgöngustofa sparki í liggjandi mann
Trump vísar Selenskí á dyr: Blaðamannafundi aflýst
Góa tekur yfir Omnom
Viltu fara til Íslands og deyja?