Keir Starmer, forsætisráðherra Bretlands, bauð Volodimír Selenskí Úkraínuforseta hjartanlega velkominn á skrifstofu sína í Downing Street í dag.

„Þú ert mjög, mjög velkominn hér í Downing Street,“ sagði Starmer við Selenskí.

„Eins og þú hefur heyrt frá gleðiópunum úti á götu hér fyrir utan, þá ertu með fullan stuðning um allt Bretland og við stöndum með þér, með Úkraínu, eins langan tíma og það getur tekið.“

„Við treystum á stuðning ykkar“

Starmer sagði báða leiðtogana vilja ná varanlegum friði fyrir Úkraínu, byggðan á fullveldi og öryggi fyrir Úkraínu, sagði hann það mikilvægt fyrir Evrópu og fyrir Bretland.

Selenskí svaraði og sagðist hafa tekið eftir hundruðum stuðningsmanna fyrir utan Downing-stræti.

„Ég vil þakka ykkur, íbúum Bretlands, fyrir svo mikinn stuðning frá upphafi þessa stríðs,“ bætti hann við.

„Ég er mjög ánægður með að hans hátign konungurinn samþykkti fund minn á morgun og við erum mjög ánægð í Úkraínu að við eigum svona stefnumótandi samstarfsaðila.

Við treystum á stuðning ykkar.“

Þeir funduðu í um 75 mínútur og föðmuðust þegar Starmer fylgdi Selenskí að bílnum hans.