Stöðva flutning birgða og hóta frekari afleiðingum
Setja bókamerki
Ísraelar hafa gefið út yfirlýsingu um að flutningur hjálpargagna og birgða til Gasa verði stöðvaður nema Hamas-samtökin samþykki tillögu Bandaríkjamanna um að framlengja fyrsta áfanga vopnahlés á Gasa. Frekari afleiðingum er einnig hótað. AFP-fréttastofan greinir frá.
„Benjamin Netanjahú forsætisráðherra hefur ákveðið að frá og með þessum morgni verði flutningur á birgðum og gögnum til Gasa stöðvaður,“ segir í yfirlýsingunni.
„Ísraelar munu ekki samþykkja vopnahlé án þess að gíslum verði sleppt. Ef Hamas-samtökin halda áfram að neita mun það hafa frekari afleiðingar í för með sér,“ segir þar jafnframt.
Vilja framlengja fyrsta áfanga fram yfir páska
Ísraelar hafa samþykkt tillögu Bandaríkjamanna um framlengingu á fyrsta áfanga vopnahlésins, en Hamas-samtökin segja að Ísraelar verði að samþykkja innleiðingu annars áfanga til að fleiri gíslum veðri sleppt úr haldi.
Annar áfangi felur í sér algjört brotthvarf ísraelska hersins frá Gasa og að samið verði um varanlegt vopnahlé.
Fyrsta áfanga vopnahlésins átti að ljúka í gær.
Tillaga Bandaríkjamanna felur í sér framlengingu á fyrsta áfanganum fram yfir ramadan, heilagan föstumánuð múslima, og páskahátíð gyðinga, og myndi því gilda til 20. apríl.
Kallar gamla félaga heim
Appelsínugular viðvaranir gefnar út
Undirrituðu 400 milljarða lán til vopnaframleiðslu
Skiptar skoðanir um símabannið
Bullandi hálka og versnandi veður
Bretar og Frakkar munu vinna að friði með Úkraínu