Áfram samdráttur í sölu á Teslum eftir ummæli Musk
Setja bókamerki
Annan mánuðinn í röð hefur dregið úr sölu á Tesla-bifreiðum í Þýskalandi samkvæmt opinberum sölutölum sem hafa verið birtar þar í landi. Þetta gerist eftir að Elon Musk, forstjóri Tesla, lýsti yfir stuðningi við þýska öfgahægriflokkinn AfD fyrir þýsku þingkosningarnar.
Samkvæmt skýrslu þýsku samgöngustofunnar KBA voru aðeins 1.429 Teslur nýskráðar í febrúar. Samdráttur á ársgrundvelli nam 76%.
Sala á Teslum hafði dregið saman um 60% í janúar í kjölfar ummæla Musk. Sé horft til sölutalna á Teslum fyrstu tvo mánuði þessa árs mælist samdrátturinn 70%.
AfD vann sigur í þingkosningunum sem fóru fram í Þýskalandi 23. febrúar en flokkurinn hlaut tæplega 21% atkvæða.
Musk lét m.a. þau ummæli falla á samfélagsmiðlinum X að AfD væri eini flokkurinn sem gæti bjargað Þýskalandi.
Þrátt fyrir að AfD hafi átt góðu gengi að fagna í kosningunum þá hafa aðrir flokkar á þýska þinginu neitað að starfa með flokknum, sem er lengst til hægri á hinum pólitíska ás.
Sér fyrir endann á 25 ára sameiningarferli spítalanna
100 milljarða umframeftirspurn
Hjúkrunarheimili í stað höfuðstöðva Icelandair
Lífskjör best á Íslandi að mati SÞ
Óljóst hvað yfirstjórnin vissi
Ein á vaktinni og kemst ekki yfir allt
Heinemann segir Sameyki fara með rangt mál
Hafði ekki gild atvinnuréttindi