Sakar Trudeau um græsku
Setja bókamerki
Donald Trump Bandaríkjaforseti sakaði í dag Justin Trudeau forsætisráðherra Kanada um að nýta sér tollastríð ríkjanna til þess að halda sér áfram við völd.
Leiðtogarnir ræddu saman símleiðis í dag um tollastríðið, og setti Trump inn færslu á samfélagsmiðil sinn Truth Social eftir símtalið.
„[Hann] gat ekki sagt mér hvenær kosningarnar í Kanada fara fram, sem vakti forvitni mína. Ég meina, hvað er í gangi? Ég áttaði mig svo á að hann er að reyna nýta sér þessar aðstæður til að halda völdum,“ skrifaði Trump.
Trudeau sagði af sér sem forsætisráðherra í janúar og mun nýr formaður Frjálslynda flokksins í Kanada verða kosinn á sunnudag. Hinn nýi formaður verður þá í leiðinni forsætisráðherra Kanada og hefur hann vald til að boða til næstu þingkosninga, sem fara fram í síðasta lagi í október.
Trudeau ómyrkur í máli
Stirt hefur verið á milli ríkjanna tveggja eftir að Trump setti á 25% flata tolla á flestar vörur frá Kanada á þriðjudag. Kanada svaraði í sömu mynt og setti 25% hefndartolla á valda vöruflokka. Hafa Kanadamenn einnig hótað því að setja á mun umfangsmeiri tolla innan þriggja vikna láti Bandaríkin ekki af tollastefnunni.
Trudeau hélt blaðamannafund í gær þar sem hann var ómyrkur í máli á tollastefnu Trumps. Sagði hann tollana heimskulega og sakaði Trump um að reyna viljandi að koma efnahagskerfi Kanada í uppnám til þess að auðvelda það fyrir honum að gera Kanada að 51. ríki Bandaríkjanna.
Vilja ráðast í umfangsmikla fækkun stofnana
Kerfislega mikilvægt og selt fyrir 3,3 ma.kr.
Bráðamóttakan verður stækkuð
„Kennarastéttin er greinilega vel vöknuð“
Gera ráð fyrir að spara ríflega 70 milljarða
Hyggst ná Grænlandi „með einum eða öðrum hætti“