Annar unglingspiltanna lést
Horft yfir Fruängen í suðurhluta sænsku höfuðborgarinnar Stokkhólms þar sem tveir unglingspiltar særðust alvarlega í skotárás á sunnudaginn. Lést annar þeirra af sárum sínum í gær.
Ljósmynd/Wikipedia.org/Johan Stigholt
Setja bókamerki
Annar unglingspiltanna, sem urðu fyrir skotárás við Fruängen-torgið í Suður-Stokkhólmi í Svíþjóð á sunnudagskvöldið, er látinn af sárum sínum. Frá þessu greinir saksóknaraembætti borgarinnar. Líðan hins er stöðug eins og er, en eins og mbl.is greindi frá á mánudaginn voru sár beggja drengjanna lífshættuleg.
Aðfaranótt mánudags greindi lögreglan í Stokkhólmi frá því að hún hefði handtekið þriðja piltinn og bar sá skotvopn undir buxnastreng sínum. Var sá úrskurðaður í gæsluvarðhald í morgun við Héraðsdóm Södertörn og liggur nú, eftir því sem Ingrid Viklund saksóknari greinir frá í fréttatilkynningu, undir grun um manndráp og tilraun til manndráps.
SVT-II (íbúar í nágrenninu felmtri slegnir)
Ásetningur Sindra og Ísidór ekki sannaður
Kristrún: Góð samskipti við Bandaríkin skipta sköpum
„Engar vísbendingar um að þessu sé að ljúka“
Hættulegum afbrotamanni vísað brott
Trump ekki tilnefnt sendiherra
Dró sér 40 milljónir úr dánarbúi móður sinnar