Don­ald Tusk for­sæt­is­ráðherra Pól­lands segir hugmynd Emmanuel Macron Frakklandsforseta til að setja önnur ríki Evrópu undir „kjarnorkuregnhlíf“ Frakklands lofa mjög góðu.

„Við verðum að taka þessu tillögu alvarlega,“ sagði Tusk við blaðamenn í Brussel á fimmtudaginn.

Ítrekaði hann í kjölfarið að ríki Evrópu yrðu að styrkja varnir sínar gegn Rússum, og að það yrði að setja það í forgang. Sagði Tusk að samþætta þyrfti hernaðarmátt Evrópuríkjanna, því það gæti gefið Evrópu skýrt forskot á Rússland.

„Evrópa verður að taka við þessari áskorun, þessu vopnakapphlaupi, og hún verður að vinna það,“ sagði Tusk.

Frétt af mbl.is

Örlög Evrópu ekki ákveðin í Moskvu eða Washington

„Kjarnorkuregnhlíf“ Frakklands

Macron sagði í ávarpi sínu á miðvikudagskvöld að hefja þyrfti umræður um hvort og hvernig Frakk­ar geti varið banda­menn sína í Evr­ópu með kjarn­orku­vopn­um sín­um.

Friedrich Merz, leiðtogi kristi­legra demó­krata í Þýskalandi – sem verður líklega næsti Þýska­landskansl­ari – hafði nýlega vakið upp hug­mynd um að Frakk­ar myndu setja önn­ur ríki Evr­ópu und­ir „kjarn­orkuregn­hlíf“, þar sem ekki væri víst að ríkisstjórn Banda­ríkjanna vilji halda áfram að verja banda­menn sína með fæl­ing­ar­mætti eig­in kjarn­orku­vopna.

Macron sagðist til­bú­inn til þess að ræða þessa hug­mynd, en end­an­legt vald um beit­ingu franskra kjarn­orku­vopna yrði þó alltaf að liggja hjá Frakk­lands­for­seta.

„Ég vil trúa því að Banda­rík­in verði áfram við hlið okk­ar,“ sagði Macron. „En við þurf­um að vera til­bú­in ef það er ekki rétt.“

Danir og Svíar tóku vel í tillöguna

Leiðtogar í Skandinavíu, sem allra jafna eru ekki hlynntir kjarnorku, tóku vel í tillögu Macrons og sagði Mette Frederiksen, forsætisráðherra Danmerkur, að við núverandi aðstæður yrði að halda öllum möguleikum opnum.

„Það er ekki eitthvað sem við vinnum að en þú munt ekki heyra mig neita hugmyndum annarra,“ sagði hún.

Ulf Kristersson, forsætisráðherra Svíþjóðar, tók einnig vel í umræðuna.

„Eins og flestir, vilja Svíar eiga eins fá kjarnorkuvopn og mögulegt er en á þessu augnabliki ættum við að vera ánægð og þakklát fyrir að tveir nágrannar okkar (Frakkland og Bretland) eigi kjarnorkuvopn,“ sagði hann.

Tengdar fréttir

Úkraína

„Ein grimmilegasta árásin“

• Á þriðja tug látnir er árásum fjölgar í Úkraínu
• „Gæti verið auðveldara að eiga við Rússland“
• Hótar Rússum refsiaðgerðum og tollum
• Vatnaskil fyrir Úkraínu og Evrópu

» Fleiri tengdar fréttir

• Blogga um frétt