Ástand páfans að verða betra

Læknismeðferð Frans páfans við lungnabólgu er að skila árangri. Páfinn þakkaði læknum og öðru heilbrigðisstarfsfólki sem hefur hlúð að honum eftir að hann var lagður inn á spítala fyrir rúmum þremur vikum.

Þetta kom fram í skriflegri tilkynningu sem kom í stað vikulegrar Angelusar-bænar páfans.

Frétt af mbl.is

Þrjár vikur á sjúkrahúsi en ástandið stöðugt

Ástand páfans hefur verið tvísýnt frá því að hann var lagður inn á spítala fyrir rúmum þremur vikum. Páfinn hefur jafnvel verið talinn í lífshættu.

Nú er hann hins vegar hitalaus og á batavegi, læknar hans vilja þó ekki fagna of snemma og vilja sjá læknismeðferðina skila frekari árangri.

Löng venja er fyrir því að páfinn ávarpi mannhafið á Péturstorgi frá glugga sínum á hverjum sunnudegi með Angelusar-bæn sinni. Þetta er í fjórða sinn í röð sem páfinn forfallast en fólk sem safnast hafði á Péturstorgi í dag segir að viðveru páfans sé sárt saknað.

„Hann er frábær maður sem hefur gefið svo mikið af sér. Við biðjum öll fyrir því að hann snúi aftur í gluggann sinn sem fyrst,“ segir Diana Desiderio sem var gestur á Péturstorgi í dag.

• Blogga um frétt