Eli Cohen, orkumálaráðherra Ísraels, greindi frá því í dag að hann hefði gefið fyrirmæli um að hætta að veita raforku til Gasa.

Tilkynningin kemur viku eftir að Ísraelar lokuðu fyrir alla aðstoð inn á Gasa. 

Þessi aðgerð minnir um margt á aðgerð Ísraels á fyrstu dögum stríðsins, þegar tilkynnt var um „umsátur“ sem fól í sér að stöðvun á raforku til Gasa. 

Munu reyna allt til að koma aftur gíslunum 

„Við munum nota öll þau tæki sem við höfum til koma aftur gíslunum og tryggja að Hamas sé ekki lengur í Gasa daginn eftir,“ sagði Cohen í myndbandsyfirlýsingu. 

Síðustu helgi tilkynntu Ísraelar að þeir væru að stöðva flutning hjálpargagna og birgða til Gasa þar til palestínskir vígamenn samþykktu skilmála þeirra um framlengingu vopnahlés. 

Frétt af mbl.is

Stöðva flutning birgða og hóta frekari afleiðingum

Hamas sakaði Ísrael í gær um að „fremja stríðsglæpi“ með því að stöðva aðstoð og sagði að aðgerðin hefði einnig áhrif á ísraelska gísla sem enn væru í haldi þar.

Frétt af mbl.is

Segja ákvörðun Ísraela „stríðsglæp“

Af þeim 251 sem var tekinn til fanga í árás Hamas á Ísrael 7. október 2023 eru 58 enn á palestínsku yfirráðasvæðinu, þar af 34 sem ísraelski herinn hefur staðfest að séu látnir.

Á mánudag varaði Benjamin Netanyahu, forsætisráðherra Ísraels, Hamas við afleiðingum sem það „getur ekki ímyndað sér“ ef þeir sleppa ekki gíslunum.

Tengdar fréttir

Ísrael/Palestína

Fordæmalausi fundurinn gekk vel

• Áætlun um flutning Palestínubúa að taka á sig mynd
• Skemmdarverk unnin á golfvelli Trumps í Skotlandi
• Trump: Leysið gíslana úr haldi eða þið eruð dauð
• Bandaríkin ræða beint við Hamas

» Fleiri tengdar fréttir

• Blogga um frétt