Draga báðir í land
Setja bókamerki
Doug Ford, fylkisstjóri Ontario-fylkis í Kanada, hefur ákveðið að fresta 25% hækkun á raforkuverði til Bandaríkjanna. Sömuleiðis hefur Donald Trump Bandaríkjaforseti ákveðið að hætta við tvöföldun á fyrirhuguðum tollum á áli og stáli frá Kanada.
Munu tollarnir því nema 25% en ekki 50% og taka þeir gildi á miðnætti að staðartíma.
Þetta kemur í kjölfar samtals Ford og Howard Lutnick, viðskiptaráðherra Bandaríkjanna frá í dag.
Eru þeir sagðir munu hittast í Washington á fimmtudag til að ræða framtíð fríverslunarsamningsins USMCA á milli Bandaríkjanna, Mexíkó og Kanada.
Virðir ákvörðunina
Trump greindi frá því í dag að hann ætlaði að tvöfalda fyrirhugaða tolla á ál og stál frá Kanada. Því svaraði fylkisstjóri Ontario-fylkis með því að hækka raforkuverð til ríkisins.
Ford var fyrri til að draga í land en Trump sagðist virða ákvörðun hans.
Bandaríkin og Kanada eru náin viðskiptaríki en tollastríð hófst á milli þeirra í byrjun marsmánaðar þegar Trump setti á 25% flata tolla á flestar vörur frá Kanada.
Helmingur af öllu innfluttu áli í Bandaríkjunum kemur frá Kanada og 20% af öllu innfluttu stáli.
Á sjötta hundrað undirskriftir og tillaga um frestun
Rannsaka manndráp á Suðurlandi
Maðurinn sem fór í sjóinn við Akraneshöfn á batavegi
Skildi Hopp-bílinn eftir úti í tjörn
„Bendir margt til að verðbólga sé að hækka úti“
Ásakanirnar byggðar á ranghugmyndum
Stjórnvöld bíða á meðan börn dúsa í fangaklefum
Tjónið hleypur á milljörðum