Pútín hvetur hermenn sína tl að frelsa Kúrsk-hérað
Setja bókamerki
Tengdar fréttir
Úkraína
Vladimír Pútín Rússlandsforseti hvetur hermenn sína til dáða í frelsun Kúrsk-héraðs.
Í fyrstu heimsókn sinni til héraðsins síðan Úkraína hóf gagnsókn sína í ágúst hrósaði hann hermönnum sínum fyrir framganginn og hvatti þá enn frekar til dáða og til að frelsa héraðið.
„Ég stóla á að allar okkar aðgerðir muni heppnast og svæðið verði frelsað frá óvininum,“ sagði Pútín í sjónvarpsviðtali.
Hörfa til að koma í veg fyrir mannfall
Nokkrum mínútum eftir viðtalið við Pútín sagði hershöfðingi í úkraínska hernum að Úkraínumenn myndu hörfa til að koma í veg fyrir mannfall.
Sagt er að fleiri en 10 þúsund Norður-kóreskir hermenn berjist við hlið rússneskra í Kúrsk-héraði.
Pútín sagði að úkraínskir hermenn sem teknir verði höndum munu verða meðhöndlaðir sem hryðjuverkamenn samkvæmt rússneskum lögum. Lögum sem gera ráð fyrir hugsanlegri fangelsun í áratugi.
Rússar hafa nú þegar réttað yfir nokkrum úkraínskum föngum með þeim hætti.
Rússar hafa náð til baka um 1.100 ferkílómetrum lands í Kúrsk-héraði eða meiri hluta alls lands sem Úkraínumenn sölsuðu undir sig í gagnsókninni í ágúst.
Bandaríkjamenn hafa lagt að Rússum að samþykkja 30 daga vopnahlé. Úkraínumenn höfðu vonast til að geta notað stöðu sína í Kúrsk-héraði sem spil í friðarviðræðum við Moskvu.
Tengdar fréttir
Úkraína
Ásthildur Lóa tapaði gegn ríkinu
Fátt nýtt undir sólinni er varðar eðli markaða
Járngerður mun sækja að Þórkötlu
Tjón vegna sjávarflóða mun aukast
Líkið sagt hafa fundist í Gufunesi
Vanþekking gæti dregið okkur inn í tollastríð
Þingmenn mótmæla pappírsleysi
Hinn látni íbúi í Þorlákshöfn á sjötugsaldri