„Eitt mesta tónskáld 20. aldar“ látið

Rúss­neska tón­skáldið Sofia Gubaidul­ina er lát­in, 93 ára. Lést hún á heim­ili sínu í Þýskalandi í gær en þar hafði hún verið bú­sett frá falli Sov­ét­ríkj­anna, að því er fram kem­ur í frétt AFP.

Gubaidul­ina varð ekki þekkt á alþjóðavett­vangi fyrr en hún var um fimm­tugt en hún hafði verið sett á svart­an lista tón­skálda í Sov­ét­ríkj­um og meinað að gefa út tónlist sína þar. Það var því ekki fyrr en eft­ir fall Sov­ét­ríkj­anna og flutn­ing henn­ar til Þýska­lands sem hún öðlaðist þá frægð og viður­kenn­ingu sem tón­skáldið þykir hafa átt skilið. 

Gubaidul­ina hlaut hin virtu sænsku Pol­ar-­verðlaun árið 2002. Björk Guðmunds­dótt­ir hlaut sömu verðlaun árið 2010 en aðrar stjörn­ur á borð við Led Zepp­el­in, Patti Smith, Yo-Yo Ma og Arvo Pärt hafa hlotið þau á und­an­förn­um árum. 

„Mik­ill áhrifa­vald­ur“

Tónlist henn­ar hef­ur heyrst reglu­lega á tón­leik­um hér á landi, meðal ann­ars í flutn­ingi Sin­fón­íu­hljóm­sveit­ar Íslands. 

„Eitt mesta tón­skáld 20. ald­ar­inn­ar og mik­ill áhrifa­vald­ur á mig. Ein magnaðasta tón­list­ar­upp­lif­un lífs míns var að heyra Of­fer­tori­um fyr­ir fiðlu og hljóm­sveit flutt í Tall­inn þegar ég var þar í námi,“ skrif­ar tón­skáldið Páll Ragn­ar Páls­son í færslu á Face­book í kjöl­far and­láts­fregn­ar­inn­ar.

Gubaidul­ina er sögð ein sjálf­stæðasta rödd í tónlist sam­tím­ans í minn­ing­ar­orðum Berlín­ar­fíl­harm­ón­í­unn­ar en sveit­in fræga var í frétt­um hér á landi í vik­unni vegna ráðning­ar hins ís­lenska flautu­leik­ara Stef­áns Ragn­ars Hösk­ulds­son­ar. 

• Blogga um frétt