Trump skipar umfangsmiklar árásir á Húta
Setja bókamerki
Tengdar fréttir
Ísrael/Palestína
Bandaríkjaher gerði víðtæka árás á uppreisnarmenn Húta í Jemen, að beiðni Donalds Trumps Bandaríkjaforseta. Herinn hæfði tugi skotmarka en ráðamenn í Bandaríkjum segja árásina vera fyrsta skrefið í nýrri sóknaraðgerð.
Árásirnar voru meðal annars gerðar í Sanaa, höfuðborg Jemen, að sögn sjónvarpsstöð Húta, Al Masirah.
Trump staðfesti fyrir skömmu að Bandaríkin hefðu gert árás á Húta, sem eru uppreisnarsamtök í Jemen sem njóta stuðings klerkastjórnarinnar í Íran. Árásirnar voru ýmist frá hafi eða lofti.
„Við munum beita feikilegu banvænu afli þar til við höfum náð markmiði okkar,“ skrifar forsetinn í færslu á Truth Social en þar sakar hann hreyfinguna um að ógna skipum sem eiga leið gegnum Rauðahaf.
Opna siglingarleiðir
Síðustu mánuði hafa Hútar truflað skipaferðir yfir hafsvæðið. Fyrrum stjórn Joe Bidens framkvæmdi fjölda árása á uppreisnarseggina en tókst ekki að stöðva árásir þeirra á flutningaskip fyrir fullt og allt.
New York Times hefur eftir ráðamönnum að árásirnar, sem eru þær umfangsmestu sem Trump hefur fyrirskipað á þessu kjörtímabili, væru einnig til þess fallnar að senda Írönum skilaboð. Trump hefur áður sagst vilja ná samkomulagi við Írani til þess að koma í veg fyrir að þeir eignist kjarnorkuvopn.
Ráðamennirnir segja að árásin á Hútana gæti staðið yfir í fjölda daga og gæti stigmagnast, háð því hvernig uppreisnarmennirnir bregðast við.
Öryggisþjónustur hafa átt í basli við að staðsetja vopnakerfi Húta, en þau eru talin vera framleidd í neðanjarðarverksmiðjum og smyglað inn frá Íran.
Trump heldur áfram á Truth Social: „Til allra Húta-hryðjuverkamanna: Tími ykkar er runninn upp.“ Hann sendir svo skilaboð til Írana: „Stuðningi við Húta þarf að ljúka SAMSTUNDIS!“
Tengdar fréttir
Ísrael/Palestína
„Viðbúin því að það geti byrjað að gjósa hvað úr hverju“
Þá finnst ekki hjartslátturinn
Brakar minna í Reykjanestá
Gagnrýna áform um nýja höfn
Vísbendingar um að kvika sé þegar farin af stað
Óskýr ákvæði um kílómetragjald í landbúnaði