Að minnsta kosti 53 látnir
Setja bókamerki
Að minnsta kosti 53 eru látnir, þar af fimm börn, eftir árásir Bandaríkjamanna á borgirnar Sanaa og Radaa í Jemen.
Þetta segja nýjustu tölur frá heilbrigðisráðuneytinu í Saana, sem er undir stjórn Húta.
Gæti staðið yfir í einhverja daga og stigmagnast
Þá voru um hundrað manns særðir eftir árásirnar að sögn heilbrigðisráðuneytisins fyrr í dag og var þar greint frá að flest fórnarlambanna væru konur og börn. Bandaríkjamenn segjast þó hafa fellt nokkra háttsetta leiðtoga Húta.
Hernaðaraðgerðin, fyrirskipuð af Donald Trump Bandaríkjaforseta, beindist að uppreisnarmönnum Húta og voru árásir gerðar ýmist frá hafi eða lofti.
Síðustu mánuði hafa Hútar truflað skipaferðir um Rauðahaf. Herinn, undir stjórn Joe Bidens, fyrrverandi Bandaríkjaforseta, réðst ítrekað gegn Hútum með litlum árangri.
Talið er að árás Bandaríkjanna gæti staðið yfir í einhverja daga og stigmagnast, háð því hvernig uppreisnarmennirnir bregðast við. En þess ber að geta að í kjölfar árásarinnar sögðust Hútar hafa gert árás á bandarískt flugmóðurskip á Rauðahafi í dag. Bandaríkjamenn segja þá árás ekki hafa ógnað flugmóðurskipinu.
Segir sjúkraflug á Húsavík í uppnámi
Vísbendingar um að kvika sé þegar farin af stað
Kona gekk í skrokk á konu
Óskýr ákvæði um kílómetragjald í landbúnaði
Fjölskyldur vilja flytja og börn skipta um skóla
Þá finnst ekki hjartslátturinn
Brakar minna í Reykjanestá