Rússar bregðast við árásum Bandaríkjamanna á Jemen
Setja bókamerki
Sergei Lavrov, utanríkisráðherra Rússlands, sagði bandarískum starfsbróður sínum, Marco Rubio, í símtali í gær að allir aðilar ættu að forðast valdbeitingu í Jemen og hefja pólitískar viðræður.
Frá þessu greina stjórnvöld í Rússlandi.
Bandaríkjaher gerði víðtæka árás á uppreisnarmenn Húta í Jemen í gær að beiðni Donalds Trumps Bandaríkjaforseta. Herinn hæfði tugi skotmarka og er í það minnsta 31 látinn í árásunum.
Rússnesk stjórnvöld segja að Rubio hafi upplýst Lavrov um þá ákvörðun að hefja árásir á Húta.
„Sem svar við röksemdum sem bandarískir fulltrúar settu fram lagði Sergei Lavrov áherslu á nauðsyn þess að hætta tafarlaust valdbeitingu og mikilvægi þess að allir aðilar tækju þátt í pólitískum viðræðum til að finna lausn sem kæmi í veg fyrir frekari blóðsúthellingar,“ segir í yfirlýsingu frá rússneska utanríkisráðuneytinu.
Rússar fordæmdu á síðasta ári árásir Bandaríkjamanna og Breta á Jemen og hafa átt viðræður við Húta, sem njóta stuðnings Írans, bandamanns Rússa.
Óskýr ákvæði um kílómetragjald í landbúnaði
Vilja ýta Rússum og Kína frá Grænlandi
Einn til viðbótar í gæsluvarðhald og lagt hald á bifreið
Minni verðbólga léttir róðurinn hjá ríkissjóði
Raðhúsalengja flutt milli landshluta
Kona gekk í skrokk á konu