Ætlar ekki að létta á stál- og áltollum
Setja bókamerki
Donald Trump Bandaríkjaforseti segist ekki hafa í hyggju að létta á stál- og áltollum.
Frá því að hann tók við völdum í Hvíta húsinu á nýjan leik í janúar hefur hann lagt álögur á mörg viðskiptalönd Bandaríkjanna.
Hlutabréf falla
Háir tollar Trumps á áli og stáli gagnvart Kanada og Mexíkó tóku gildi í byrjun mars sem varð til þess að verð á hlutabréfum tók að falla.
Forsetinn sagði blaðamönnum um borð í forsetaþotunni í gær að hann ætlaði ekki að gera undanþágur frá gjaldskránni.
„Nei ég ætla ekki að gera það,“ ítrekaði Trump.
Boðar frekari tolla
Eftir að Trump boðaði 25% tolla á Kanada svöruðu stjórnvöld þar í landi með því að hækka verð á rafmagni sem þeir selja til Bandaríkjanna.
Trump sagði í kjölfarið að ef ekki yrði fallið frá þessari verðhækkun þá myndi hann stórauka tolla á bifreiðar frá Kanada 2. apríl.
Þá hefur hann hótað 200% tolli á vín og aðrar áfengar vörur frá Frakklandi og öðrum löndum í Evrópusambandinu. Kemur hótunin í kjölfar áætlaðra refsitolla Evrópusambandsins á meðal annars bandarískt viskí, sem eiga að taka gildi í byrjun apríl.
Hávær mótmæli fyrir utan ríkisstjórnarfund
Hyggst trufla hvalveiðar á Íslandi í sumar
Kannski tilefni til að endurskoða heimildir
Spennan magnast undir Sundhnúkagígaröðinni
Lögregla heldur spilunum þétt að sér
Séríslenskar reglur hamli lengri föstum vöxtum
Rúmmál kviku undir Svartsengi hefur aldrei verið meira