Starmer og Macron tilbúnir að senda hermenn til Úkraínu
Setja bókamerki
Tengdar fréttir
Úkraína
Von er á að fleiri en 30 ríki leggi sitt af mörkum til að verja mögulegt vopnahlé í Úkraínu. Þannig er svokölluðu bandalagi hinna viljuðu lýst.
Keir Starmer, forsætisráðherra Bretlands, og Emmanuel Macron Frakklandsforseti hafa stýrt vinnunni við að koma bandalaginu á koppinn síðan Donald Trump Bandaríkjaforseti hóf beinar samningaviðræður við Rússa um að binda endi á innrásarstríð þeirra í Úkraínu.
„Forsætisráðherrann sagði getu ríkjanna mismunandi en nú standa yfir viðræður um framkvæmdina og hvers bandalagið sé megnugt að afla,“ sagði talsmaður Starmer við blaðamenn og bætti við að ljóst væri að um umtalsvert afl yrði að ræða.
Mikilvægt púsl
Sagt er að bandalagið sé mikilvægt púsl til að veita Úkraínu þá öryggisábyrgð sem ríkið telur sig þurfa og til að fæla Vladimír Pútín Rússlandsforseta frá því að brjóta vopnahlé.
Bæði Starmer og Macron hafa sagst vera tilbúnir að senda breska og franska hermenn inn í Úkraínu en ekki er ljóst hvort önnur ríki séu tilbúin til þess.
Tugir herforingja munu hittast í Bretlandi á fimmtudag til að halda viðræðunum áfram sem verða nú færðar yfir á aðgerðastig.
Starmer hefur sagt að hann fagni allri aðstoð við bandalagið. Sum lönd geti lagt af mörkum til flutninga eða eftirlits. Þá hefur verkfræðiaðstoð verið nefnd í því sambandi sem og notkun flugvalla og húsnæðis undir áhafnir.
Tengdar fréttir
Úkraína
/frimg/1/56/8/1560833.jpg)
Segir ósanngjarnt að meta nemendur út frá einkunnum
Saka yfirmenn sína um einelti
Alvarleg árás gagnvart trans konu ekki einsdæmi
Einn 70 milljóna bíll á dag
Hæstiréttur viðurkennir mistök: Fóru ekki yfir gögn
Ræða áhrif geimskota á íslenskt yfirráðasvæði
Kalda stríðið ríkir á vígvöllum Úkraínu
Þéttir páskar í Hlíðarfjalli en óvissa annars staðar