Selenskí mun ræða við Trump í dag
Setja bókamerki
Tengdar fréttir
Úkraína
Volodimír Selenskí Úkraínuforseti mun ræða við Donald Trump Bandaríkjaforseta í dag þar sem næstu skref um vopnahlé á milli Rússlands og Úkraínu verða rædd. Þá hefur Selenskí einnig kallað eftir frekari aðstoð frá bandamönnum Úkraínu.
Selenskí er nú staddur í Finnlandi þar sem hann hefur fundað með Alexander Stubb, forseta Finnlands, en nú fer fram sameiginlegur blaðamannafundur starfsbræðranna.
Segir Bandaríkin eiga að hafa eftirlit með vopnahléinu
Trump og Vladimír Pútín Rússlandsforseti munu eiga samtal í dag um vopnahléið og segist Selenskí munu fá upplýsingar um það samtal þegar hann ræðir við Trump síðar í dag.
Þá segir hann Bandaríkin eiga að hafa eftirlit með vopnahléinu, sem Úkraína hefur þegar samþykkt.
Verður að vera vopnahlé án skilyrða
Pútín samþykkti í gær, eftir samtal við Trump, að láta af árásum á orkuinnviði í Úkraínu. Töldu þeir Pútín og Trump að vopnahléið á orkuinnviðum væri vegvísir að varanlegu vopnahléi. Stuttu eftir samtal þeirra gerði Rússland loftárás á Kænugarð, höfuðborg Úkraínu.
Alexander Stubb Finnlandsforseti sagði á blaðamannafundinum að ef Rússland vilji ná raunverulegum friði þurfi landið að samþykkja vopnahléstillögu Bandaríkjanna án skilyrða, líkt og Úkraína hefur gert.
„Það eru aðeins tvær leiðir til að bregðast við tillögu forseta Bandaríkjanna. Það er já eða nei, en engin skilyrði,“ segir Stubb.
Eigi frekar að auka aðstoðina
Þá kallaði Selenskí eftir auknum stuðningi frá bandamönnum Úkraínu en ummælin koma í kjölfar þess að Pútín hefur krafist þess að Vesturlönd hætti að veita Úkraínu hernaðar- og leyniþjónustustuðning.
„Ég tel að við ættum ekki að gera neinar málamiðlanir í sambandi við aðstoð við Úkraínu, heldur ætti frekar að auka aðstoðina,“ segir Selenskí.
Tengdar fréttir
Úkraína
Buðust til að kaupa íbúðir
Undirrituðu samkomulag um stofnun háskólasamstæðu
Mörg börn með alvarlegan vanda bíða eftir meðferð
Isavia neitar að tjá sig um bænahald í kaffiaðstöðu
Vildi grafa ofan í djúp sár í þjóðarsálinni
Íslendingar þurfi að passa sig á því sem þeir segja
„Efast um að það gjósi í sumar“
